1- بعمر اخوانا المصريين ما عملوا جزء تاني لمسلسل .. ونحن عنا ماشاالله عقول المخرجين مبرمجة يعملوا مسلسل واحد فقط لا غير ب 100000 جزء <<< تكنولوجيا بقى
والجزء ال2 بينزل من السما كيف خلص و كيف صار الله اعلم بتنزل دعايتو بلا احم ولا دستور
قصة مسلسل ::
باب الحارة
اول ما طلع ضرب المسلسلات اللي بتطلع بين الساعة 9 وال10 والاستاز المخرج الغليظ عمل 5 اجزاء و مازلنا مستمرين لحتى تموت الحارة كلا <<< و الصدقة جارية وطبعا كل واحد شواربو مترين ونص من اليمين ومالشمال و ملفوف خمس لفات و بنطلونو صاير ممسحة لهيك الحارة نظيفة ديماً ..
بقعة ضوء
حطم الرقم القياسي بعدد الأجزاء والحمد لله 7 اجزاء هاد احسن من باب الحارة عالأقل بيحكي عن المشاكل جوا البلد بس مين هاد اللي بدو يتفرج اللي ناوي ينسلخ تقرير تقريرين يقعدوه ببيت خالتو .. رح اروح فيها انا ..
و عنا بيت جدي واهل الراية وصبايا وضيعة ضايعة والخط الأحمر و ميت مسلسل
2- دخلت الدراما عالخط و وين ما قلبت بتشوف وحدة عم تبكي و واحد عم يجعر و بالاخير مابتعرف شو المغزى بس اللي بتعرفو انو 5 ممثلين حردانين و زعلانين و قاعدين بغرفهن و 10 انتحروا و 17 هاجروا
